به گزارش شرح آنلاین، علی شهودی از شعرای طنزپرداز کشورمان که اخیرا شاهد انتشار اشعاری با عنوان  (اوجوزلوق) و(آجیل) از ایشان در مطبوعات و فضای مجازی بودیم، در شعر جدید خویش به مسئله تورم پرداخته است.

تورم 

خط  چکدی   بوتون  دفتر   آماله تورم
خلقین یولونو ائتدی چوخور چاله تورم

خوش گوردو یئرین بیرده محال امردی گئتسین
هاردان چاتاجاقدیر بئله اجلاله تورم

مسوول لارین ازدم کئفی سازدیرداماغی چاغ
ائتمز اثر اول قوم کر و لاله  تورم

هئچ شئرده ده بو یالیله کوپال تاپیلماز
ماشاالله بئله یالیله کوپاله تورم!

هر ایل بیزیلن گام به گام ائتدی ترقی
تاکی یئکه لیب اولدی چهل ساله تورم

بیچاره کاسیب سن یاناجاقسان بو اود ایچره
بیلمم سالاجاقدیر  سنی نه حاله تورم

بیز نه بالیقیخ اوزمگ اوچون باله میز اولسون
آز کار کاسیبا بند ائله  دنباله تورم!

هر یئرده یئییر مین جوره اِشکاله اوجوزلوق
هر یئرده دوشور مین جوره اَشکاله تورم

باسمیش آیاغین گورنه پدال گازا،حاشا
ترمز ائله ییب بیر قاییدا داله تورم

سوردوم:نه اولوبدورایکی قاتسان ؟دئدی: قارداش
دوندردی الف قامتیمی داله تورم

گوردوم شیشیب اوغلان اوره گیم دکتره گئتدیم
ما یَسبِبُ هذا الالم قال: تورم

سهو ائتمه آقازاده لره اییلییه تاثیر
تاثیر ائده ر آشغالچییا حماله تورم

باشدان باشا صنعتکارا خسراندی  زیاندی
یاخچی قازانیر تاجره، دلاله تورم

بیچاره کاسیب !چوخ ال ایاق چالدین ادوزدون
خر پول لارینان قوی گئده  فیناله تورم

بیر شاهمار ایلان تک باش آلیب کشوریمیزده
سرعتله گئدیر خلقی  چالا چاله تورم

انگون ورم ائتسین گوروم ای باعث و بانی
سالدی نه یامان خلقی پیس احواله تورم

دوزدور قاباق ایللرده تورم واریدی لیک
اولمازدی بو اندازه  همه ساله تورم

خلقین “گلیری”  بیر بالاجا بلبله بنذیر
کرکس کیمی آلمیش اونو  چنگاله تورم

قویماز گوله یوخسول بیر اوره گدن، چکرافسوس
غم نن سارالان صورتینه  هاله تورم

دای گئتدی او گونلرکی ائوه هر شی آلاردیق
گلدی اوخویا فاتحه امواله تورم

یارب بو نه اوددور کی بیزیم دامنی دوتدو
یاندیردی بیزی ایلدی جزغاله تورم

گئتدیم ائوه آچدیم قاپوسین گوردوم آی اوغلان
تاثیر قویوب  یاخدانا یخچاله تورم

هر وعده کی وئرمیشدیله بوش چیخدی دریغا
چیخدی گینه ده قله توچاله  تورم

“حافظ” اگر اولسایدی “شهودی”  بو زماندا
سویلردی گئدیر تای- تای  بنگاله تورم

شهودی بستان آباد / تبریز ۲۶آذر ۹۷