Aksiyada 2000-dən çox fəal iştirak edir. Çadırlar qurulub, odlar yandırılıb.

Aksiya iştirakçıları Qarabağ iqtisadi rayonunda müvəqqəti dislokasiya olunmuş Rusiya sülhməramlı qüvvələrinin komandanı, general-mayor Andrey Volkovun bölgəyə gəlməsini tələb ediblər.

Ermənilər bu hərəkətdən öz xeyirlərinə istifadə etməyə çalışırdılar. Lakin Azərbaycan mediası onların yalanlarını ifşa etdi. Azərbaycanlıların bu hərəkətindən Ermənistan və onun havadarları artıq təşvişə düşüblər.

Rusiya sülhməramlılarının müvəqqəti müşahidəsi altında olan Azərbaycan ərazilərindəki təbii sərvətlərimizin talanması, ekologiyamıza vurulan ziyan beynəlxalq hüququn norma və prinsiplərinin kobud şəkildə pozulmasıdır ki, işğalçı Ermənistan bu cinayəti davam etdirir.

Dekabrın 12-də Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Şuşa-Xankəndi yolunda son vəziyyətlə bağlı diplomatik nümayəndəliklərin rəhbərlərinə məlumat verib. H.Hacıyevin sözlərinə görə, Ermənistan işğal zamanı Azərbaycan ərazisində mədəniyyət abidələrini dağıdıb, ölkənin sərvətlərindən istifadə edib, ətraf mühitə ziyan vurub.

H.Hacıyev Azərbaycan tərəfinə Qızılbulaq mis-qızıl mədənində təbii sərvətlərin zərərli istismarı və talanması hallarının artması və bunun ekoloji nəticələrinin müəyyən edilməsi barədə məlumat aldığını xarici diplomatların diqqətinə çatdırıb.

O qeyd edib ki, Laçına gedən yolu azərbaycanlı etirazçılar deyil, Rusiya sülhməramlı kontingenti bağlayıb. Rusiya sülhməramlılarına məxsus mühafizə maşınının Şuşa-Xankəndi avtomobil yolu ilə hərəkəti nəzərdə tutulub.

Avtomobil yol boyu sərbəst hərəkətini davam etdirirdi. Bu, bir daha sübut edir ki, aksiyalara baxmayaraq, humanitar məqsədlər üçün yol açıqdır. Belə ki, aksiya iştirakçıları bu mövqeyi nümayiş etdirərək sülhməramlılara məxsus mühafizə maşınının sərbəst hərəkətinə şərait yaradıblar. “Sülhməramlı” adı altında erməni separatizmini dəstəkləyən Rusiya silahlı qüvvələrinin komandanı etirazı dinləyənə qədər aksiya davam edəcək.

Şuşa-Xankəndi yolunda Qarabağda faydalı qazıntı yataqlarının qanunsuz istismarına etiraz edənlər bir sıra yeni tələblər irəli sürüblər.

Onlar Azərbaycanın bütün dövlət strukturlarına, o cümlədən Daxili İşlər Nazirliyi (DİN), Dövlət Sərhəd Xidməti (DSX), Dövlət Gömrük Komitəsi (DGK) üzərində nəzarətin bərpasını və Azərbaycanın suveren torpaqlarında onların ayrıca buraxılış məntəqələrinin yaradılmasını tələb edirlər.

Aksiya iştirakçıları həmçinin 2020-ci il noyabrın 10-da imzalanmış üçtərəfli bəyanatın müddəalarının tam yerinə yetirilməsini, Laçın istiqamətində Ermənistanla sərhəddə Dövlət Təhlükəsizliyi Xidmətinin və Dövlət Təhlükəsizliyi Xidmətinin ayrı-ayrı postlarının olmasını tələb ediblər.

Xatırladaq ki, Rusiya sülhməramlı kontingentinin komandanlığı ilə 2022-ci il dekabrın 3-ü və 7-də keçirilən müzakirələrin yekunlarına əsasən, İqtisadiyyat Nazirliyi, Ekologiya və Təbii Sərvətlər Nazirliyi, Dövlət Daşınmaz Əmlakı Xidmətinin bir qrup mütəxəssisi İqtisadiyyat Nazirliyi və “AzerGold” QSC Rusiyanın sülhməramlı kontingentinin müvəqqəti yerləşdirildiyi Azərbaycan ərazilərində faydalı qazıntı yataqlarının qeyri-qanuni istismarı və bununla bağlı ekoloji və digər nəticələrin ilkin monitorinqinin aparılması razılığını əldə edib. Lakin sülhməramlıların hərəkətsizliyi səbəbindən monitorinq baş tutmayıb.

Hazırda dinc aksiya davam edir.

Cavid Şahverdiyev Azərbaycan Demokratik İslahatların İnkişafı Mərkəzinin sədri, jurnalist